Bobbi Grin: "Maxachevning janglari hech kimga qiziq emas - bu juda zerikarli"

"U menga yuqori baho bermadi, ammo men sizga uning yaxshi raqib ekanligini aytishim mumkin. Uning g'alabali seriyasi shundan dalolat beradi va agar biz bunga asoslanadigan bo'lsak, u shubhasiz chempionlik sinovidan o'tgan. Ammo, agar biz MMAni sotilishi kerak bo'lgan mahsulot deb oladigan bo'lsak, siz aynan nimani sotayotganingiz juda muhim, chunki tanlov jamoatchilikka tegishli va ular tomoshani tanlaydilar.

Islam yaxshi jang qiladi, ammo to'g'risini aytsam, uning janglari juda zerikarli. Hatto, u raqiblarini zerikarli tarzda mag'lub etadi. Mening janglarim esa o'yin-kulgidir. Ehtimol, u chempionlik sinovidan o'tgandir, ammo zerikarli tarzda. Hech kim buni ko'rishni xohlamaydi, bu hech kimga qiziq emas. Men uning janglarida "O, erta tugadi" deya uxlab qolaman. U har doim janglarini erta yakunlashi mumkin, ammo bu uning janglarini qiziqarli qilmaydi, sababi u kabi sportchilar jangga emas, o'yinga chiqadi", — deya Grinning so'zlarini keltiradi MMA Junkie.

Eslatib o'tamiz, Maxachev-Grin jangi ertaga Las Vegasdagi UFC Fight Night 202 turniri doirasida bo'lib o'tadi.