Bogdan Guskov 2026 yil rejalari bilan o'rtoqlashdi

Yarimog'ir vazn toifasi UFC reytingida o'ninchi o'rinni egallab turgan Bogdan Guskov Yan Blahovich bilan to'qnashuvda g'alabani qo'lga kirita olmagandi. Jang durang natija bilan yakuniga etgan edi. Hamyurtimiz kelasi yilni divizionning sobiq chempioniga qarshi revansh jangi bilan boshlamoqchi.

"Men Blaxovichdan revansh olishni xohlardim, chunki menda o'sha jangda hali aytib ulgurmagan so'zim, yakuniga etkaza olmagan ishim bor. Men har qanday holatda ham o'zimni kuchli beshlikda ko'rishni, keyin esa mendan yuqoriroq bo'lgan jiddiyroq nomlarni ko'rib chiqishni istardim. Lekin umuman olganda - kim o'ntalikda mendan yuqori bo'lsa, har qanday raqib qiziqarli.

Allaqachon menejerlardan fevral oyining oxiri yoki mart oyining boshidagi turnirlar uchun muzokara olib borishni so'raganman. CHunki odatda UFC janglar haqida uch oy oldin ogohlantiradi va men iloji boricha tezroq qaytishni xohlardim. Men sog'lomman, hech qanday jarohat yo'q, shuning uchun yanvar oyidan boshlab tayyorgarlikni boshlash va malum bir resurs to'plashni rejalashtiryapman", - dedi Guskov. 

Malumot uchun, Bogdan Guskov dunyoning kuchli Ligasida to'rtta g'alabali seriyadan keyin durang natija qayd etgan. Debyutida Volkan O'zdemirga muddatidan oldin yutqazib qo'ygandi.