Bogdan Guskov oktagonga qachon qaytishini malum qildi

Bu haqda u "Match TV" telekanaliga bergan intervyusida malum qildi va iyul yoki avgust oylarida oktagonga qaytishini ochiqladi. 

"Blaxovich bilan jangning bekor qilinishiga juda og'riqli munosabatda bo'ldim, chunki yanvar oyidan beri tayyorgarlik ko'rayotgandim, yaxshi formada edim, xatolar ustida alo darajada ishladim. SHunday bo'lib qoldi... munosib o'rinbosar topilmadi, — dedi Guskov. — Jamoamning fikricha, biz kamar uchun harakat qilishimiz kerak, shuning uchun bizga reytingda yuqoriroq bo'lgan raqib kerak. Menga esa bunday variantni taklif qilishmadi, garchi bu tushunarli bo'lsa-da - vaqt juda kam edi. Hozir biroz dam oldim, endi qaytadan tayyorlanaman. Keyingi jangni yo Abu-Dabidagi iyuldagi turnirga yoki Belgraddagi avgustdagi turnirga o'tkazishni so'radim. Raqibim kim bo'lishi haqida tasavvurga ega emasman. Ammo reytingi yuqoriroq raqib bo'lishini vada qilishdi. Bu meni qoniqtiradi".

Eslatib o'tamiz, o'tgan yilning dekabr oyida Bogdan sobiq UFC chempioni Yan Blaxovich bilan jangda durang natija qayd etgandi. 9 may kuni ular revansh jangida to'qnash kelishlari kerak edi, biroq Blaxovich tizzasidan olgan jarohati tufayli jangni tark etdi.

"Aslida men bu vaziyatni qo'yib yubordim, — dedi Guskov Blaxovich bilan jangning barbod bo'lishiga izoh berar ekan. — Lekin menga taklif qilishsa... u reytingda yuqoriroq turadi, shuning uchun bu jang men uchun qiziqarli bo'ladi. Agar u bilan jang qil desalar, albatta, rozi bo'laman", - dedi Bogdan.