Boks bo'yicha jahon chempionati Toshkentda bo'lishi mumkin

Anjuman chog'ida martabali mehmonga O'zbekiston boks federaciyasi rais o'rinbosari SHerzod Toshmatov hamrohlik qildi. SH.Toshmatov kecha AIBA tomonidan bir ovozdan ushbu tashkilotning Ijroqo'm azoligiga saylangandi.
Matbuot anjumanida sport yo'nalishida faoliyat yuritayotgan hamkasblarimiz o'zlarini qiziqtirgan savollarga javob olishdi.

CHing-Kuo Vu savollarga javob qaytarar ekan, mamlakatimizda sportga, xususan boksga qaratilayotgan etibor hamda uning samarasi o'laroq xalqaro musobaqalarda qo'lga kiritilayotgan ulkan g'alabalarga alohida to'xtaldi.
SHuningdek, AIBA prezidenti tashkilotning ijroiya qo'mitasiga yuqori saviyada mezbonlik qilgan yurtimiz sporti mutasaddilari, boks federaciyasi rahbariyatiga o'z minnatdorchiligini bildirdi.
CHing-Kuo Vu o'z so'zida davom etar ekan, O'zbekiston boksi bugungidek yuqori tezlikda o'sishda davom etsa, bemalol kattalar o'rtasidagi jahon chempionati mezbonligiga davogarlik qilishi mumkinligini aytdi. Vuning fikricha, shunday bo'lgan taqdirda, poytaxtimiz ushbu katta sport anjumanini ham jahon talablari darajasida bemalol o'tkaza olishiga urg'u qaratdi.

Eslatib o'tamiz, kecha CHing-Kuo Vu Oqsaroy qarorgohida O'zbekiston Respublikasi Prezidenti Islom Karimov qabulida bo'lgandi. Uchrashuvda dunyo boks tashkiloti rahbari O'zbekiston Respublikasi Prezidentiga sport va olimpiya harakatini rivojlantirish hamda ommallashtirish yo'lidagi ulkan xizmatlari uchun, shuningdek, boksni xalqaro va milliy darajada rivojlantirish borasidagi fidokorona mehnati etirofi sifatida AIBAning yuksak mukofoti – “Xizmatlari uchun” ordenini topshirgan edi.