Boks: Ertangi kun chempionlari Nukusda aniqlandi

Davlatimiz rahbari tomonidan “O'zbekistonda boksni yanada rivojlantirish chora-tadbirlari to'g'risida”gi qarorning qabul qilinishi yurtimizda mazkur sport turining ommaviyligini taminlash, iqtidorli sportchilarni saralashning yangicha tamoyillari yaratilishiga xizmat qilmoqda. 

Musobaqada mamlakatimizning barcha viloyat jamoalaridan 150 nafardan ziyod yosh charm qo'lqop ustalari 11 ta vazn toifasida g'oliblik uchun kurash olib borishdi. Aytish lozimki, bundan bir-ikki yil muqaddam o'tkazilgan respublika miqyosidagi boks musobaqalarida u yoki bu hudud yoshlari masullarning etiborsizligi sabab qatnasha olmasdi. 

2021 yildan etiboran O'zbekiston boks federaciyasi tomonidan ishning to'g'ri tashkil etilishi natijasida hududlarning barchasi musobaqalarda to'liq tarkib bilan qatnasha boshlashdi. Bu esa istedodli yosh bokschilarni aniqlashda, selekciya ishlarining samarali olib borilishida qo'l kelmoqda.

-Davlatimiz rahbari tomonidan boksni rivojlantirish to'g'risidagi qarorning imzolanishi O'zbekiston boksidagi mavjud yutuq va muammolarni, qilinishi kerak bo'lgan ishlarni butun buyi-basti bilan ko'rsatib berdi. Mamlakatimizda boks musobaqalarining ortishi o'z-o'zidan janglarni tashkil etish, boshqarish uchun zarur bo'lgan mutaxassislar, hakamlar zahirasi, ularning bilim darajasi borasidagi kamchiliklarimizni namoyon etdi. SHu boisdan o'tgan 3-4 oy davomida boks hakamlarini, mutaxassaslarni tayyorlash, qayta tayyorlash va ularning malakasini oshirish bo'yicha bir qator seminarlar, amaliy mashg'ulotlar o'tkazdik. Nukusda o'tkazilgan O'zbekiston kubogi qaysidir manoda hakamlar uchun ham amaliy mashg'ulot maydoni bo'ldi, - deydi O'zbekiston boks federaciyasi hakamlar hayati raisi Bekjon Yusupov. 

Deyarli bir xafta davom etgan O'zbekiston kubogi bahslaridaumumiy hisobda 260 ta boks jangi o'tkazildi. Murosasiz janglar natijasiga ko'ra, o'z vazn toifalarida Asilbek Jalolov, Muhammadqodir Mamurjonov, Ibrohim Doniyorov, Suxrob Aminov, Mirzamaxmat Mirzabekov, Samandar Solijonov, Azizbek Tojiev, Jasurbek Yo'ldoshev, Nusrat Tohirov va Ali Nuranov g'oliblik shoxsupasiga ko'tarilishdi.

- Mazkur yosh toifasidagi iqtidorli bokschilar kelajakda Olimpiya o'yinlari va jahon chempionatlarida O'zbekiston sharafini himoya qiladi. Bugun ular 17-18 yoshdagi sportchilar. 2-3 yilda aynan shular orasidan saralanganlar boks bo'yicha O'zbekiston terma jamoasining asosiy tarkibini tashkil etadi, -deydi boks bo'yichaO'zbekiston yoshlar terma jamoasi murabbiyi Xamid Tangriberganov.

O'zbekiston kubogida umumjamoa hisobida eng ko'p medallarga ega bo'lgan Qoraqalpog'iston, Toshkent, Buxoro va Andijon vakillari sovrinli o'rinlarni egallashdi.

To'lqin RO'ZIEV