Boks. “Rio-2016” o'yinlarining yana 39ta yo'llanmasi o'ynaldi

Mazkur musobaqada 92 davlatdan kelgan 375 nafar charm qo'lqop ustasi 39ta licenziya uchun bahs yuritdi.

Qizg'in kechgan bahslarning yakunlariga ko'ra Olimpiada o'yinlarining yo'llanmalariga -91 hamda +91 kg. vazn toifalarida oltin medal sohiblari, -49 kg. vaznda finalchilar, -52 kg.dan -81 kg.gacha vazn toifalarida yarim finalga qadar etib kelgan bokschilar sazovor bo'ldilar. Ushbu vazn toifalarida, shuningdek, raqibi yakunda g'oliblikka erishgan chorak finalchilar ham “Rio-2016” o'yinlarida qatnashish huquqiga ega bo'lishgan.

Mazkur saralash turnirida Kuba, AQSH, Buyuk Britaniya, Franciya, Xitoy, Ozarbayjon, Belarus, Rossiya, Ukraina, Irlandiya, Vengriya, Xitoy Taypeyi, Gaiti, Iroq, Tojikiston, Turkmaniston, Turkiya, Bolgariya, Mo'g'iliston, Hindiston, Moldova, Yaponiya va Italiya davlatlari vakillari yo'llanmalarga ega bo'ldilar.

Eslatib o'tamiz, O'zbekiston erkaklar terma jamoasi XXXI yozgi Olimpiya o'yinlarining boks musobaqalariga barcha vazn toifasida yo'llanmalarni naqd qilib qo'ygan.