Boksimiz yulduzlari tantanali kutib olindi. MOQdagi tadbir qanday o'tdi? (FOTO)

Unda O'zbekiston terma jamoasi vakillari 7 ta oltin, 6 ta kumush va 5 ta bronza, jami 18 ta medal qo'lga kiritishdi. Bugun Vatanimiz shanini munosib himoya qilgan bokschilarimiz Toshkentga qaytib kelishdi.

Toshkent Xalqaro aeroportida o'tgan tantanali tadbirda O'zbekiston Respublikasi Bosh vazirining o'rinbosari, Turizm va sport vaziri Aziz Abduhakimov, Rustam SHoabdurahmonov boshchiligidagi MOQ rahbariyati, Mudofaa vazirligi mutasaddilari, sportchilarimizning ota-onalari va yaqinlari, OAV xodimlari va keng sport jamoatchiligi vakillari ishtirok etishdi.

Delegaciyamizni Aziz Abduhakimov qarshi oldi va muzaffar bokschilarimizni qo'lga kiritilgan g'alabalar bilan qutladi.

SHundan so'ng mutasaddilar, delegaciyamiz va bokschilarimizning yaqinlari aeroportdan O'zbekiston Milliy Olimpiya qo'mitasi tomon yo'l olishdi.

Tadbir avvalida bugungi kun qahramonlari yana bir bor etirof etilib, ularning g'alabalari yod olindi. SHundan so'ng Aziz Abduhakimov barchaga O'zbekiston Respublikasi Prezidenti SHavkat Mirziyoevning bokschilarimizga yo'llagan tabrigini o'qib eshittirdi. Tabrikning asl nusxasi O'zbekiston boks federaciyasiga topshirildi. Uni federaciya bosh kotibi Murod Mamadaliev qabul qilib oldi.

Prezidentimiz tomonidan yo'llangan tabrik terma jamoamizni yanada ruhlantirdi. SHundan so'ng ushbu qita birinchiligida chempionlikni qo'lga kiritgan Bahodir Jalolov, Sitora Turdibekova, terma jamoa katta murabbiyi Rahmatjon Ro'ziohunov so'z olib, yurtboshimizning etiboridan mamnun ekanliklari, kelajakda bunday ishonchni oqlash uchun bor kuch-g'ayratlarini ishga solishlarini takidlab o'tishdi. Bokschilarimizning ota-onalari nomidan Saboxat Jalolova hamda Yusupbek Ro'zmetov ham so'zga chiqib, o'z taassurotlari bilan o'rtoqlashishdi.

Tadbir yakunida O'zbekiston sport faxriylari kengashi raisi Bahodir Maxsitov faxriylar nomidan ushbu tadbir uchun o'ziga xos mantiqiy yakun yasab berdi.

Eslatib o'tamiz, bu yilgi Osiyo chempionatida delegaciyamiz umumjamoa hisobida ikkinchi o'rinni qo'lga kiritgan bo'lsa, erkaklar jamoamiz qitada ketma-ket uchinchi bor tengsiz ekanliklarini isbotladi.