So’nggi yangiliklar

21:34Хоккей. Гампр жаҳон чемпионатининг расмий маскоти бўлади 0 19:23Аморим Брунуга "Реал" томонидан қизиқиш бўлаётганига муносабат билдирди 0 19:02Эдди Хирн Дмитрий Биволнинг эҳтимолий рақибини айтди 0 18:39WBC президенти Бивол ва Бенавидес жанги бўйича музокаралар ҳақида гапирди 0 18:30Хоккей. Арманистон ва Чехия термалари куч синашди 0 18:17Саудия Арабистони клублари Винисиусга Роналдуникидек шартнома таклиф қилмоқда 0 17:52Забит Магомедшариповнинг ММА'га қайтиши ҳақида хабарлар тарқалди 0 17:28PFL асосчиси Усик ва Пол ўртасида жанг ўтказиш ғоясини илгари сурди 0 17:02Леннокс Льюис фаолятидаги энг қийин рақиб кимлигини айтди, бу Майк Тайсон эмас 0 16:40Холанд учун мавсум якунланди 0 16:19Конор Магрегор: "Июнь ойида Алькатрас қамоқхонасида жанг қилишим мумкин эди, лекин..." 0 15:59FIDE рейтинги янгиланди, Абдусатторов кучлилар қаторида, ТОП-100'да 5 нафар ҳамюртимиз бор 0 15:35Эдди Хирн: "Супер оғир вазннинг ҳозирги юлдузи Жошуа, чунки Фьюри нафақада" 0 15:14Бокс бўйича Жаҳон кубогида бугун 3 нафар ҳамюртимиз рингга кўтарилади 0 15:02«Манчестер Сити»нинг уч нафар ярим ҳимоячиси ёзда жамоани тарк этади 0

15 mar 19:45
Yangiliklar

Bolalar sporti

Bolalar sporti. Sportga oshno bolalar

Bugun mamlakatimizda jismoniy tarbiya va sportga, ayniqsa, bolalar sportini rovojlantirish orqali o'g'il-qizlarning o'zlari qiziqqan sport turlari bilan muntazam shug'ullanishlari uchun keng imkoniyat va sharoitlar yaratilmoqda.

Bunday yuksak etibordan unumli foydalangan sportchi-o'quvchilar bor mahoratlarini ishga solib, maqsadlari sari dadil qadam tashlashmoqda. Toshkent viloyati jismoniy tarbiya va sport boshqarmasi tasarrufidagi Bo'ka tuman bolalar va o'smirlar sport maktabida ham sport mashg'ulotlariga qatnayotgan bolalarning yuz-ko'zlarida yaratilgan  imkoniyatlardan, bugunidan shodumonlikni anglab olish qiyin emas. 

Mazkur BO'SMda ayni paytda 1360 nafar o'g'il-qiz sportning futbol, voleybol, basketbol, erkin kurash, kurash, belbog'li kurash, suzish, boks, og'ir atletika, shaxmat, stol tennisi, o'zbek jang sanati, karate, engil atletika turlari bo'yicha 38 nafar malakali murabbiylar qo'l ostida muntazam mashg'ulotlarga kirishgan.  

Sportga oshno bo'lgan BO'SM tarbiyalanuvchilari orasida o'tkazilayotgan turli musobaqalarda g'olib va sovrindor bo'lib, etirofga sazovor bo'layotganlari talaygina. Xususan, murabbiy SHaxzod Hazratov va Sirjoddin Isroilovlar qo'l ostida belbog'li kurash bilan shug'ullanayotgan yosh polvonlar respublika miqyosidagi bellashuvlarda sovrinli o'rinlar bilan qaytishmoqda. 

Bobur SHuhratov, Habibullo Muhammadaliev, Sarvar Mamashokirov, SHerali G'ulomjonov, Asliddin Abdirashidov, Zuhra Qosimova, Dilafro'z Egamberdieva, Yulduz Omonova, Gulasal Ibrohimova, Muxlisa Egamberdieva, Sevinch Ibrohimova singari ko'plab belbog'li kurashchilar bugun BO'SMning faxriga aylanishgan. 

O'zbek jang sanati turida ham shunday yuqori natijalarga guvoh bo'lish mumkin. Dilnoza Turdalieva, Husniddin Qayumov, Sabohat Ravshanova, SHahnoza To'raqulova, Kamron Abdujabborov kabi o'n nafardan ortiq o'zbek jang sanati ustalari ham belbog'li kurashchilar singari mamlakat chempionatlarida oltin va kumush medallariga ega chiqishmoqda. Karate, futbol, erkin kurash va boshqa sport turlarida ham xuddi shunday viloyat va respublika miqyosidagi musobaqalarda kuchli uchlikdan joy olishmoqda.

- Jismoniy tarbiya va sportning aholi orasida, jumladan yoshlar orasida ommaviyligini taminlash bosh vazifalarimizdan sanaladi, - deydi Buka tuman BO'SM direktori Farhod  Rahmonov. - Yaratilgan bunday keng imkoniyatlardan oqilona foydalanib, mavjud sport turlaridan istedodli bolalar qobiliyatini shakllantirib, katta sport sari yo'naltirish, terma jamoalar tarkibiga munosib nomzodlar tayyorlash qolaversa, joriy yilda sovrinli natijalarimizni yanada ko'paytirishni  maqsad qilganmiz. 

Ilhom RAHMONOV tayyorladi

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing