Bolalar sportiga etibor

Sog' tanda - sog'lom aql deganlaridek, bugungi kunda bolalar sportiga berilayotgan etibor minglab yoshlarning jismonan sog'lom bo'lib voyaga etishida muhim omil bo'lmoqda.

SHu kunlarda butun respublika bo'ylab mahalla bolalari o'rtasida tashkil etilayotgan “CHarm to'p”, “Futbolimiz kelajagi” va “Mahallada futbol” musobaqalarining Mirobod tumani bosqichida ham ko'plab bolalar va o'smirlar ishtirok etishmoqda.

Mirobod tuman Jismoniy tarbiya va sport bo'limi va Mahalla va oilani qo'llab-quvvatlash bo'limi hamkorligida tumandagi 1 va 2-sonli Bolalar va o'smirlar sport maktabida o'tkazilgan “CHarm to'p”, “Futbolimiz kelajagi” va “Mahallada futbol”  musobaqalarida tuman bosqichida g'olib chiqqan jamoalar chempionlik uchun kurash olib borishdi.

Mirobod tuman hokimligi Matbuot xizmati