Bolalarni himoya qilish kuniga bag'ishlangan musobaqalar o'tkazildi

Musobaqada o'quvchi yoshlar ikki guruxga bo'linib, o'zaro bellashdilar. Festival ko'tarinki kayfiyatda o'tdi. Tadbir sport bayramiga aylanib ketdi. Xalqaro bolalarni himoya qilish kuni arafasida ularga bayramona kayfiyat ulashildi.

Tadbir so'ngida g'olib jamoa hamda o'quvchi yoshlarga Jismoniy tarbiya va sportni rivojlantirish jamg'armasi Toshkent viloyati filiali tomonidan esdalik sovg'alari va faxriy yorliqlar topshirildi.

SHuningdek, ushbu sanaga bag'ishlangan musobaqalarning yana biri Farg'ona viloyati gimnastikaga ixtisoslashtirilgan bolalar-o'smirlar sport maktabida tashkil qilindi.

2006-2011 yillarda tug'ilgan sportchi qizlar o'rtasida o'tkazilgan viloyat birinchiligida Qo'qon, Marg'ilon, Farg'ona shaxarlari, Beshariq, Bog'dod, Buvayda, Rishton, O'zbekiston, Furqat, Oltiariq tumanlaridan jami 90 nafardan ortiq sportchilar ishtirok etishdi.

Musobaqaning g'olib va sovrindorlari viloyat gimnastikaga ixtisoslashtirilgan bolalar-o'smirlar sport maktabi hamda “Sog'lom avlod” xalqaro xayriya jamoat fondi tomonidan ajratilgan diplom va esdalik sovg'alari bilan taqdirlandilar.