Boshladik! Dastlabki kundagi ikki g'alaba, koronavirusdan havotir olgan Niyozov va "No photo, no video"

Kecha, 2 mart kuni O'zbekiston boks federaciyasi rahbariyati, "O'zbekiston 24" telekanalidagi hamkasblarimiz Norbek Niyozov va Ahmad Bayzullaev hamda kamina Istanbul shahri orqali Iordaniya poytaxtiga etib keldik. 

Kelishimiz bilan Amman aeroportida mahalliy sim-kartalarni oldik. Ichida 40 gigabayt internet paketi bo'lgan raqamning har biri deyarli 23 dollardan tushdi. Internet rasm va videolar bilan ishlashda yaxshigina asqotadi. Toshkent va Amman orasidagi vaqt uch soatni tashkil etadi. Poytaxtimiz uch soat oldinda.

Bugundan bahslarga start berildi. "Prince Hamza Hall", yani shahzoda Xamza nomidagi sport saroyi biz va bokschilar istiqomat qilayotgan mehmonxonadan piyoda yurganda 10 daqiqalik yo'l. Mehmonxonadan sport zaliga qadar maxsus avtobuslar - "Shuttle Bus"lar ham yo'lga qo'yilgan. Ammo uchovlon shahar ko'chalarini tomosha qilib, piyoda yurishni maqul ko'rdik. 

Amman ko'chalari. Piyodalar o'tishi uchun mo'ljallab qo'rilgan ko'prikdan turib olingan surat

Operator Ahmad aka "O'zbekiston 24" kanali uchun kadrlar yig'moqda

Norbek aka "Horun Al Rashid" ko'chasi nomi yozuvini ko'rib qoldi

SHaharning ajoyib manzaralarini suratga tushirayotgandik, oldimizga xavfsizlik xizmati xodimlari kelib, suratga olish mumkin emasligini tushuntirishdi. "No photo, no video". Biz uchun tanish ibora) Tushunishim bo'yicha bu tashqi ishlar vazirligiga qarashli idoralardan biri ekan. Oddiy o'zbekistonlik uchun uning qandaydir strategik ahamiyatga ega bino ekanligining farqi yo'q

Musobaqalar o'tkazilayotgan "Prince Hamza Hall" arenasining tashqaridan ko'rinishi

Muxlislar arena tashqarisida

Bu OAV xodimlari uchun mo'ljallangan media markaz. U erda matbuot anjumanlari ham tashkil etiladi

Iordaniyaliklar "tema"da. Gigiena qoidalariga albatta amal qilish lozim

Media markazga borib o'zimiz uchun tayyorlangan akkreditaciyalarni oldik

O'zbekistonlik bokschilar ichida qizimiz Yodgoroy Mirzaeva o'z ishtirokini boshladi. U o'z faoliyatidagi ikkinchi Olimpiadasida ishtirok etish uchun yurishni boshladi. 5:0 hisobidagi g'alaba!

Takidlash lozimki, musobaqa Xalqaro olimpiya qo'mitasi tomonidan tashkil etilmoqda. SHunga ko'ra, qoida va talablar jiddiy. Belgilangan joydan tashqarida suratga tushirish, xattoki ringdan tashqarida ham fotoapparat "vspyshka"sini ishlatish mumkin emas. Zaldagi yorug'lik esa ideal emas. SHuni o'ylab hunob bo'lib turganimizda, Norbek Niyozovni yonida o'tigan jurnalist qaysi mamlakatdan ekanligi haqidagi savol qiynamoqda)

Kunning ikkinchi qismida -75 kg vaznli bokschimiz Fanat Qahramonov mezbon bokschiga qarshi jang qildi va g'alabaga erishdi. Qayd etish lozimki, ushbu jang bokschimiz uchun oson kechmadi. Musobaqada ishtirok etishi uch kun oldin aniq bo'lgan Fanat O'zbekistonga qaytayotgan joyida Turkiyadan Ammanga qaytib keldi. 3 kun ichida 6 kg vazn tashlash oson emas. Har xolda Qahramonov uchun bugungi g'alaba oson bo'lgani yo'q. Ishonamizki, kelasi janglarda u o'z yo'liga tushib oladi. 

SHu o'rinda muxlislarimizdan iltimos qilardik. Bokschilarimizni qo'llab-quvvatlang, ularga ishoning. Ular barcha kommentlarni o'qishadi. Keskin fikrlar bildirayotganda shularni ham inobatga oling. 

Musobaqa vaqtida sportchilarda vazn tashlash bilan bog'liq muammolar, qiyinchiliklar tug'ilishi tabiiy. Bunday paytda esa imkon qadar ularga halal bermaslikka harakat qilamiz. SHu sababli, maqolada ularning kundalik tartibiga oid mavzudan biroz chetlanishga majburmiz. 

Mazkur safarni tashkil etishda tashabbus ko'rsatgan O'zbekiston boks federaciyasiga esa minnatdorchilik bildirib o'tamiz

Aziz To'xtamurodov, Amman