Boshqarma boshlig'i mehribonlik uyi tarbiyalanuvchilari bilan uchrashdi

Yuksak etibor va g'amxurliklar bois, sportga bo'lgan oshnolik har qachongidanda keng ommalishib, minglab istedodlar bo'y ko'rsatmoqda. Jumladan, Toshkent viloyatida ham sport sohasida qator yutuqlar qo'lga kiritilmoqda. Boisi, jismoniy tarbiya va sportni aholi orasida keng targ'ib bo'layotgani, Prezidentimiz tomonidan ilgari surilgan beshta muhim tashabbusning ikkinchi tashabbusi doirasida nazarda tutilgan vazifalar ijrosi amalda  isbotini topmoqda.

Xususan, Toshkent viloyati jismoniy tarbiya va sport boshqarmasi boshlig'i Komiljon Adilov ham  boshqarma tasarrufidagi sport maktablarida bo'lib, sport ishlarining ahvolini o'rganib, belgilangan vazifalar ijrosini taminlanayotgani yuzasidan atrofilicha tanishmoqda. 

SHuningdek, boshqarma tomonidan viloyatdagi mehribonlik uyi tarbiyalanuvchilari va maktab-internatlari o'rtasida ham sport musobaqalarini o'tkazishni yo'lga qo'yish, ular o'rtasida sog'lom turmush tarzini keng ommalashtirish va iqtidorli sportchilarni saralash orqali viloyat, respublika milliy terma jamoalari  tarkibiga jalb etish bo'yicha chora-tadbirlar ishlab chiqilgan. 

Kecha, 7 fevral kuni Komiljon Adilov Nurofshon shahrida CHirchiq shahridagi 14- mehribonlik uyi tarbiyalanuvchilari bilan uchrashib, jismoniy tarbiya va sportning ahamiyati xususida suhbatlashdi. 

Uchrashuv so'nggida mehribonlik uyi tarbiyalanuvchisi, engil atletika bo'yicha ikki karra O'zbekiston chempioni Nadejda SHustovaning muvaffaqiyatlarini etirof etib, sport kiyimlari va “Samsung” rusumli televizor sovg'a qildi. 

Ilhom RAHMONOV tayyorladi