08 fev 15:34
Yangiliklar

Boks/MMA

Bo'stonliqda boks bo'yicha ochiq turnir o'tkazildi + FOTO

Toshkent viloyati jismoniy tarbiya va sport boshqarmasi tasarrufidagi Bo'stonliq tuman bolalar-o'smirlar sport maktabida 2006-2007 hamda 2008-2009 yillarda tug'ilgan bolalar o'smirlar o'rtasida boks bo'yicha ochiq turnir bo'lib o'tdi.

Bo'stonliq tuman bolalar-o'smirlar sport maktabiga qarashli Abay nomli sport majmuasida o'tgan mazkur ochiq turnir O'zbekiston Respublikasi birinchi Prezidenti Islom Karimov tavalludining 82 yilligi munosabati bilan tashkil etildi.

Ushbu musobaqada qo'shni Qozog'iston Respublikasi, shuningdek, Namangan, Jizzax, Samarqand viloyatlari, Toshkent viloyatining Bo'stonliq, Yuqorichirchiq, CHinoz, Zangiota,CHirchiq singari tuman va shaharlaridan yosh charm qo'lqop ustalari ishtirok etishdi.

Viloyat jismoniy tarbiya va sport boshqarmasi, tuman jismoniy tarbiya va sport bo'limi, Tuman BO'SM va viloyat boks federaciyasi tashabbusi bilan tashkil etilgan turnir murosasiz va qiziqarli bahslarga boy bo'ldi.

Musobaqada umumjamoa hisobida Bo'stonliq tumani bokschilari faxrli birinchi o'rinni qo'lga kiritishdi. Ochiq turnir boksda iqtidori yuqori bo'lgan o'smirlarni saralash imkonini ham yaratib berdi.