24 may 13:15
Yangiliklar

Velosport

Bo'stonliqda velosport bo'yicha "Tour of Bostonliq" xalqaro turniri o'tkaziladi

27-31 may kunlari Toshkent viloyatining Bo'stonliq tumani velosportning shosse yo'nalishi bo'yicha erkaklar va ayollar o'rtasida xalqaro musobaqalarga mezbonlik qiladi.

Bo'stonliqda bu safar 2.2 klassifikaciyadagi "Tour of Bostonliq I" va "Tour of Bostonliq Ladies I" ko'p kunlik xalqaro turnirlari tashkil etiladi.

Erkaklar o'rtasidagi bellashuvlarda dunyoning ettita professional velosport klublari, ayollar musobaqasida esa beshta jamoa vakillari g'oliblik uchun kurash olib boradi.

"Tour of Bostonliq" va "Tour of Bostonliq Ladies" musobaqalari uch bosqichdan iborat bo'ladi, ushbu musobaqa poygalari 27-29 may kunlari tashkil etiladi. "Grand Prix Chorvoq Criterium" va "Grand Prix Chorvoq Criterium Ladies" musobaqasi esa 31 may kuni bo'lib o'tadi.