"Bu to'g'ri qadammi?" - Kamilla Rahimova O'zbekiston fuqaroligini qabul qilganiga ilk bor izoh berdi

Xabaringiz bor, tennischi WTA turnirlarida O'zbekiston bayrog'i ostida ishtirok eta boshladi.

"Jamoam va oilam bilan uzoq mulohaza va muhokamalardan so'ng sport fuqaroligimni o'zgartirishga qaror qildim. Bu oson qaror emas edi, lekin men ishonamanki, bu mening tennisdagi kelajagim uchun to'g'ri qadam - ham professional, ham shaxsiy jihatdan.

Qarorim ambiciyalarim, martaba maqsadlarim va sportchi sifatida rivojlanishim uchun eng yaxshi imkoniyatlarni taqdim etishiga ishonaman. Bu o'zgarish mening qon ildizlarim, avvalgi jamoam va federaciyaga bo'lgan hurmatimni yo'qotmasligini takidlamoqchiman. O'tmishimga faxr va minnatdorlik bilan qarayman. Ammo hozir men oldinga qarayapman - yangi imkoniyatlar, yangi chaqiriqlar va yangi maqsadlar.

Meni qo'llab-quvvatlayotgan barchaga rahmat. Sizning xabarlaringiz, menga bo'lgan ishonchingiz va turnirlarga tashrif buyurib, meni olqishlashingiz men uchun juda muhim. Umid qilamanki, yo'limning yangi sahifasida men bilan birga bo'lasiz", - deb yozdi Rahimova ijtimoiy tarmoqdagi sahifsida.

Eslatib o'tamiz, endilikda mamlakatimizning birinchi raketkasi Kamilla Rahimova ikki kun avval Franciyaning Anje shahridagi WTA 125 toifasiga kiruvchi turnirda chempion bo'lgandi.