Bugun Do'smatov terma jamoamizga ilk oltin medalni taqdim etadimi?

Aynan bugun boks musobaqalaridagi ilk chempion nomiga oydinlik kiritiladi. -49 kg vazn toifasidagi hamyurtimiz hal qiluvchi final jangida ringga ko'tariladi.

Uning raqibi kolumbiyalik Yurberxen Martines bo'ladi. Martines jiddiy raqib. Yarim finalda u kubalik bokschi Yoanis Argilagosni mag'lubiyatga uchratib, buni amalda isbotlagandi.

Final jangi kutilganidan ham shiddatli kechishi kutilmoqda. Bokschilar avval o'zaro to'qnash kelishmagan. Ularning ilk jangi Rio Olimpiadasining boks bahslaridagi ilk chempionini aniqlab beradi. Do'smatov – Martines jangi Toshkent vaqti bilan soat 22.15da boshlanadi.