14 dek 09:49
Yangiliklar

Boks/MMA

Bugun Hasanboy Do'smatov ringga ko'tariladi, Rustam To'laganov ham!

SHu kunlarda Samarqand olimpiya zaxiralari kollejida boks bo'yicha kattalar o'rtasidagi O'zbekiston chempionati bo'lib o'tmoqda.

Yilning so'nggi nufuzli musobaqasida Qoraqalpog'iston Respublikasi, Toshkent shahri va deyarli barcha viloyatlaridan jami 275 nafar charm qo'lqop ustasi 8ta vazn toifasida ishtirok etyapti.

Bugun Rio Olimpiadasi chempioni Hasanboy Do'smatov o'zi uchun yangi bo'lgan -52 kg vazn toifasida ringga ko'tariladi. AIBA tomonidan vaznlarning kamaytirilishi natijasida eng engil hisoblangan -49 kg vazn toifasi musobaqalar dasturidan olib tashlangan edi.

Qura natijasiga ko'ra, Hasanboy Do'smatov birinchi bosqichda Muhammadmuso Abdurahmonovga qarshi ringga ko'tariladi. -91 kg vaznda Rio Olimpiadasi sovrindori Rustam To'laganov esa farg'onalik G'iyosjon Iminjonovga qarshi ringga chiqadi.