Bugun Italiyada to'rt nafar bokschimiz ringga ko'tariladi

Ulardan dastlab, musobaqadagi ilk uchrashuvini -57 kg vaznda bahs olib boradigan vakilamiz, Sitora Turdibekova finlyandiyalik Vilma Vitanenga qarshi o'tkazadi.

Ikkinchi bahsda esa -71 kg vaznda g'alabali odimlayotgan bokschimiz Asadxo'ja Mo'ydinxo'jaev, germaniyalik Magomed Elim Schachidovga qarshi bahs olib boradi. Lazizbek Mullojonov ham bugun ringga ko'tariladi.

-92 kg vaznda Olimpiyada o'yinlari yo'llanmasi uchun kurashayotgan bokschimiz, turnirdagi dastlabki bahsini litvalik Darius Voisnarovichga qarshi olib boradi.

Vakillarimiz ishtirokidagi so'ngi bahsni esa Ruslan Abdullaev yakunlab beradi. -63,5 kg vaznda ringga ko'tarilayotgan bokschimizning bu safargi raqibi, Puerto-Rico vakili Xose Adriel Diaz Rodriguez bo'ladi.

Janglar Toshkent vaqti bilan tahminan 20:30 da start oladi.