Bugun Jizzaxda “Barkamol avlod-2017” o'yinlari boshlanadi

Aynan bugun musobaqaning tantanali ochilish marosimi bo'lib o'tadi. Markaziy “So'g'diyona” stadionida o'tkaziladigan marosim sanat ustalari ishtirokidagi katta koncert dasturiga aylanib ketadi.

“Barkamol avlod-2017” musobaqalari Jizzax shahridagi 4 ta obektda tashkil etiladi. Jizzax politexnika institutida futbol va voleybol bahslari o'tkazilsa, ushbu institut qoshidagi akademik liceyda shaxmat musobaqalariga start beriladi.

Qo'l to'pi, taekvondo, dzyudo, erkin kurash, yunon-rum kurashi, stol tennisi, basketbol, badminton, tennis, og'ir atletika bellashuvlari esa Jizzax olimpiya zaxiralari kollejida tashkil etiladi.

Yoshlik va sport bayramining ochilish va yopilish marosimlari o'tkaziluvchi “So'g'diyona” sport majmuasida boks, engil atletika, suzish hamda badiiy gimnastika bo'yicha g'olib va sovrindorlar nomi malum bo'ladi.