06 dek 09:31
Yangiliklar

Boks/MMA

Bugun Konor Makgregorning o'zbekistonlik sparring sherigi UFC sportchilari bilan bir turnirda jang o'tkazadi (Poster + to'liq kard)

Bugun Birlashgan Arab Amirliklarining Al-Ayn shahrida joylashgan "Adnec Centre" majmuasida greppling va jiu-jitsu bo'yicha ADXC 8 turniri o'tkaziladi.

Oqshomning markaziy jangida UFC'da faoliyat olib borayotgan iroqlik Amir Albazi yana bir UFC jangchisi, braziliyalik Jafel Filo bilan to'qnash keladi. Ushbu bahs jiu-jitsu qoidalari asosida o'tkaziladi.

Etiborlisi, turnirning prelim kardi doirasida o'zbekistonlik aralash yakkakurash ustasi Bahromjon Ro'ziev jiu-jitsu jangida ishtirok etadi. Unga misrlik Mido Mohamed raqiblik qiladi. Janglar Toshkent vaqti bilan soat 19:00 da start oladi.

Eslatib o'tamiz, ikki vazn toifasida irlandiyalik UFC sobiq chempioni Konor Makgregor o'tgan yili Dubay (BAA) shahridagi yig'ini doirasida Bahromjon Ro'zievni sparring sherik sifatida tanlagandi.