Bugun maktab o'quvchilari o'rtasida Osiyo chempionati boshlanadi

7-17 yoshli sportchilar o'rtasidagi ananaviy musobaqada 15 nafar umidli yoshlarimiz yurtimiz sharafini himoya qilishadi. Ular ikki kun mukaddam Boku shahri orqali Eronga yo'l olishdi. Tarkibdan asosan yurtimizda ilk bor o'tkazilgan maktab o'quvchilari o'rtasidagi mamlakat chempionatining kumush medal sovrindorlari o'rin olishgan.

Bo'lajak musobaqada ishtirokchilar klassik, blic va rapid yo'nalishlari bo'yicha o'zaro bahs yuritishadi. Kezi kelganda takidlash lozim, mamlakat chempionatida g'olib bo'lganlar joriy yilning noyabr-dekabr oylarida Sochi shahrida tashkil etiladigan maktab o'quvchilari o'rtasidagi jahon chempionatida dona suradilar.