Bugun Pxuketda Nigora Abdullaevaga muxlislik qilamiz

Bugungi bahslarda hamyurtlarimizdan Nigora Abdullaeva supachaga chiqadi. U ayollar o'rtasidagi -55 kg vazn toifasida o'tkaziladigan bellashuvlarda yurtimiz sharafini himoya qiladi. Nigora Abdullaeva ishtirokidagi bahs Toshkent vaqti bilan taxminan soat 17:00 da boshlanadi. 

Eslatib o'tamiz, kecha terma jamoamiz azosi Jamila Panfilova -49 kg vazn toifasidagi "V" guruhi bahslarida ishtirok etgandi. U dast ko'tarishda 79 kg, siltab ko'tarishda 93 kg, ikki kurash yakunlariga ko'ra 170 kg natija ko'rsatgan edi. Bu esa sovrindorlar safidan joy olish uchun kamlik qilgandi.