Bugun Toshkentda sambo bo'yicha jahon chempionati boshlanadi

Hisob bo'yicha 46-marotaba tashkil etilayotgan bahslarda jahonning 50 ga yaqin mamlakatidan 400 nafarga yaqin sambochilar sovrinli o'rinlar uchun kurash olib borishadi.

Musobaqa erkaklar, ayollar va jangovar sambo yo'nalishida tashkil etiladi. Har bir yo'nalishda 7 tadan - umumiy hisobda 21 ta vazn toifasida g'olib va sovrindorlar aniqlanadi. 

Jahon chempionatining umumiy sovrin jamg'armasi 231 ming AQSH dollarini tashkil etadi. Oltin medal sohiblari 4000, kumush medal egalari 3000, bronza medalini qo'lga kiritgan sambochilar esa 2000 AQSH dollari bilan mukofotlanishadi. 

Bahslar soat 10:00dan so'ng "Yunusobod" sport saroyida boshlanadi. Tantanali ochilish marosimi esa 17:00ga rejalashtirilgan. Soat 18:00dan so'ng esa final bellashuvlari hamda taqdirlash marosimi o'tkaziladi.