18 sen 10:52
Yangiliklar
Sport kurashlari
Bugun Umidjon Jalolov va Magomed Ibragimov jahon chempionati medallari hamda Olimpiada licenziyasi uchun kurashga kirishadi
Serbiya poytaxti Belgrad shahri mezbonligida o'tayotgan sport kurashlari bo'yicha kattalar o'rtasidagi jahon chempionatining navbatdagi kuni erkin kurashchilar ishtirokidagi bellashuvlar davom ettiriladi.
Jumladan, bugun ikki erkin kurashchimiz jahon chempionatidagi ishtirokini boshlaydi. Istedodli kurashchimiz, o'smirlar Olimpiadasi g'olibi Umidjon Jalolov 65 kg vazn toifasidagi bellashuvlarning 1/16 finalida bolgariyalik Mikyay Naimga qarshi gilamga chiqadi.
Tajribali kurashchimiz, Rio Olimpiadasining bronza medali sovrindori Magomed Ibragimov ham 1/16 finaldan bahslarga kirishadi. Terma jamoamizning 38 yoshli vakili bu bosqichda Bahrayn sharafini himoya qilayotgan Axmed Tajudinovga qarshi bahs olib boradi.
Havola :
Manba : olamsport.com
Fikrlar