03 sen 10:35
Yangiliklar
SHaxmat
Butunjahon shaxmat Olimpiadasini g'alaba bilan boshladik
Ozarbayjon poytaxti Boku shahrida Butunjahon shaxmat Olimpiadasi boshlandi.
42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. 17-jahon chempioni Rustam Qosimjonov boshchiligidagi erkaklar terma jamoamiz Butunjahon shaxmat Olimpiadasini g'alaba bilan boshladi.
Terma jamoamiz ilk turda bruneylik shaxmatchilarga hech qanday imkoniyat qoldirishmadi. Xalqaro grossmeysterlarimiz Anton Filippov, Jahongir Vohidov, Marat Jumaev, shuningdek, istedodli Nodirbek Yoqubboevlar raqiblarini mag'lubiyatga uchratishdi. Rustam Qosimjonov bu turda dona surmadi.
Bugun terma jamoamiz shaxmatchilari Dominikan Respublikasi vakillariga qarshi bahs olib borishadi. Dominikanlik shaxmatchilar ham ilk turda g'alaba nashidasini surishgandi.
Havola :
Manba : olamsport.com
Fikrlar