Buxoroda sport tashkilotlarining moddiy-texnik bazasi yanada takomillashtiriladi

Xabaringiz bor, shu kunlarda O'zbekiston Respublikasi Jismoniy tarbiya va sport vazirligi tomonidan tuzilgan ishchi guruh Buxoro viloyatida jismoniy tarbiya va sport sohasida aholi sog'lig'ini mustahkamlashga ko'maklashadigan aniq dasturlarni amaliyotga joriy etish, yoshlarni sportga keng jalb qilish va ular orasidan iqtidorli sportchilarni saralab olish, sport turlari bo'yicha yuqori natijalarni taminlaydigan mahoratli sportchilar bilan milliy terma jamoalarni shakllantirish va trenerlar uchun qo'shimcha shart-sharoitlar yaratish bo'yicha amalga oshirilayotgan ishlar bilan yaqindan tanishmoqda.

Jumladan, viloyatdagi barcha sport talim muassasalarining moddiy-texnika bazasi holati, internet bilan jihozlanganligi va tezkor axborot almashuv tizimining faoliyati o'rganilmoqda. Bu borada ayni damdagi holatni yanada yaxshilash borasida vazirlik tomonidan sport tashkilotlariga ko'mak ko'rsatilayapti.

Bu hududlarda sport maktablari va sport talim muassasalarining kadrlari salohiyati va trenerlarga bo'lgan ehtiyoji hamda uni bartaraf etish bo'yicha maqsadli qabul bo'yicha takliflari o'rganib chiqilmoqda.

SHuningdek, hududlarning sport turlariga ixtisoslashuvi, moddiy texnik bazasining holatini yanada rivojlantirish, sport inventarlari soni va bugungi holati, terma jamoa azolarini shakllantirish masalalari bo'yicha ishchi guruh tuman masullariga yaqindan ko'maklashmoqda.

Bundan tashqari, hududlardagi sport maktablari va sport talim muassasalarining bo'sh er maydonlari va ulardan maqsadli foydalanish rejasi bo'yicha tadbirkorlar tomonidan kiritilayotgan takliflar ham ko'rib chiqilyapti. Bu borada ishchi guruh vakillari mahalliy tadbirkorlar bilan yuzma-yuz ochiq suhbatlar o'tkazmoqda.