Buxoroda xotin-qizlar ishtirokida yirik sport festivali o'tkazildi

Festival “Neftchi” sport sog'lomlashtirish markazida tuman jismoniy tarbiya va sport bo'limi hamda Buxoro neftni qayta ishlash zavodi bilan hamkorlikda Prezidentimiz tomonidan ilgari surilgan 5 ta muhim tashabbus ijrosi hamda “Xotin –qizlar haftaligi” munosabati bilan tashkil etildi.

Mazkur sport festivali 100 nafardan ortiq zavod ayol ishchi xodimalari o'rtasida bir nechta sport turlari bo'yicha tashkil etildi. Qiziqarli va noodatiy tarzda kechgan mazkur sport festivali yakunida g'olib va sovrindorlar tashkilotchilar tomonidan qimmatbaho sovg'alar bilan taqdirlandi.

Xotin-qizlar o'rtasida bunday sport tadbirlarning tashkil etilishi ayollar sportini rivojlantirish ularni ommaviy tarzda jismoniy tarbiya va sportga jalb qilish, shuningdek, ularning ish faoliyatini samarali tashkil etishda muhim ahamiyat kasb etadi.