06 noy 09:03
Yangiliklar

Tadbirlar

Buxoroda Yoshlar haftaligi doirasida sport tadbirlari o'tkazildi

Kogon tuman bolalar o'smirlar sport maktabi markaziy o'yingohida 5 ta muhim tashabbusning 2- yo'nalishi ijrosini taminlash hamda Yoshlar haftaligini munosib tarzda o'tkazish maqsadida sportning futbol, basketbol, stol tennisi, tosh ko'tarish kabi sport turlaridan viloyat ochiq birinchiligi musobaqalari bo'lib o'tdi.

Ushbu musobaqalarda 100 nafardan ortiq sportchilar ishtirok etishdi. Asosan futbol sport turi bo'yicha 2005-2006, 2007-2008 yillarda tug'ilgan o'g'il bolalar, basketbol sport turi bo'yicha 2010-2011 yillarda tug'ilgan bolalar, stol tennisi bo'yicha 2009-2011 yillarda tug'ilgan bolalar, tosh ko'tarish bo'yicha 2008-2009 yillarda tug'ilgan bolalar o'rtasida musobaqalar hamda badiiy gimnastika bo'yicha ko'rgazmali chiqishlar tashkil etildi.

Musobaqalarda ishtirok etib g'olib bo'lgan barcha sportchilar Buxoro viloyat Jismoniy tarbiya va sport boshqarmasi tomonidan ajratilgan diplom va medallar hamda Kogon tuman hokimligi tomonidan ajratilgan kubok va esdalik sovg'alari bilan taqdirlandilar.