“Camo”da “kurash malikalari” aniqlandi + FOTO

Unda 200 nafarga yaqin sportchi o'z omadini sinab ko'rdi. Farg'ona shahri mezbonlik qilgan turnirda Qoraqalpog'iston Respublikasi, viloyatlar hamda Toshkent shahri vakillari ishtirok etdi. Jami 8 ta vazn toifasidagi bahslarda polvonlar yakkalik va jamoaviy bellashuvlarda o'z imkoniyatini amalda ko'rsatdi. 

Etiborlisi, ishtirokchilar orasida havaskor sportchilar bilan birga, xalqaro musobaqalar g'oliblari, jahon va Osiyo chempionlarining ham qatnashganligi umidli kurashchilar uchun katta tajriba maktabi vazifasini o'tadi.

Farg'ona viloyati hokimligi, oila va xotin-qizlar qo'mitasi, viloyat prokuraturasi, O'zbekiston kurash federaciyasi hamda viloyat kurash federaciyasi tomonidan ushbu musobaqaga ko'rilgan katta tayyorgarlik ishlari qizlarga bayramona kayfiyatni hadya etdi.  

Yakuniy natijaga ko'ra, umumjamoa hisobida surxondaryolik qizlar birinchi o'ringa sazovor bo'ldi. Toshkent shahri, Farg'ona va Buxoro viloyati jamoalari kuchli uchlikka yakun yasab berdi.  

G'olib va sovrindorlarga diplom, medallar va esdalik sovg'alari topshirildi. SHuningdek, musobaqada alohida namuna ko'rsatgan xotin-qizlar va hamkorlarga federaciyaning tashakkurnomalari topshirildi.