CHarlz Oliveyra Oq uydagi asosiy jangni sug'urtalamoqchi

Braziliyalik aralash yakkakurash ustasi ushbu oqshomning asosiy jangiga zaxira varianti bo'lmoqchi. CHarlz engil vazn toifasi vakillari Iliya Topuriya va Jastin Getji o'rtasidagi birlashtiruvchi chempionlik jangini sug'urtalashga tayyor.

Bu haqda braziliyalik murabbiy Diego Lima Sherdog nashriga bergan intervyusida malum qildi.

"Umid qilamizki, ularning hech biri jarohat olmaydi, chunki bu ajoyib jang bo'ladi. Ammo biz allaqachon CHarlzni Oq uydagi turnir uchun zaxira varianti sifatida taklif qilganmiz. Oliveyra chempionlik kamarini xohlaydi. Zaxira varianti o'xshamagan taqdirda ham, u Topuriya - Getji jangi g'olibi bilan oktagonda to'qnash kelishni maqsad qilgan. Bizda Xanter Kempbell bilan muhokama qilish uchun bir nechta variantlar bor", - dedi braziliyalik mutaxassis.

SHu bilan birga, Oliveyraning jamoasi BMF chempionligi uchun kurashish niyati haqida bir necha bor gapirgan Konor Makgregorga qarshi jangning o'tkazilishiga ishonmayapti. 

"Har safar u haqida gapirganimizda, bu serialga aylanadi. SHuning uchun umid qilmagan maqul, deb o'ylayman. Albatta, CHarlz uchun yarim o'rta vazn toifasiga ko'tarilishi va u bilan super jang o'tkazishi, unga qaytib kelmagani maqulligini ko'rsatish zavqli bo'lardi. Ammo rostini aytsam, Konorning qaytib kelishiga ishonmayman", - deya qo'shimcha qildi Lima.

SHuningdek, murabbiy Xollouey bilan jangdan so'ng shogirdining tanqid qilinishiga izoh berdi.

"Bu MMA emasmidi? Agar K-1 qoidalari bo'yicha jang bo'lsa, Dana uni shunchaki MMA qo'lqoplarida K-1 qoidalari bo'yicha o'tkazishi mumkin edi. CHarlz MMA qoidalari bo'yicha jang qildi va nafaqat sport afsonasidan kamarni tortib olishga muvaffaq bo'ldi, balki o'z nomini yana tarixga yozdi. SHuningdek, MMA tarixida ikkinchi parter ustunligini ko'rsatdi.

Birinchisi - Xamzat CHimaev va Drikus Dyu Plessi, ikkinchisi - CHarlz va Xollouey, uchinchisi - Islam Maxachev va Jek Della Maddalena jangi. Va biz eng yuqori darajadagi chempionlik janglari haqida gapiramiz. Nega CHarlz BMF unvoniga loyiq emas?

Agar Oliveyra jangning o'rtasida to'xtab qolib, shunchaki tik turgan holda nokautga qadar jang qilganida, bu endi BMF emas, balki DMF (eng ahmog'i) bo'lardi. Qizig'i shundaki, CHarlzni tanqid qilgan odamlar, agar u jiu-jitsudan foydalanmay yutqazgan bo'lsa, uni ahmoq deb atashadi. Mening fikrimcha, ularda hasad bor", - deya xulosa qildi braziliyalik murabbiy.