CHirchiqda belbog'li kurash bo'yicha xalqaro Do'stlik turniri o'tkazildi

O'zbekiston belbog'li kurash federaciyasi, xalqaro Koresh federaciyasi hamda O'zDJTSU Milliy kurash turlari nazariyasi va uslubiyati kafedrasi bilan hamkorlikda bo'lib o'tgan ushbu xalqaro turnirda Rossiya, Qirg'iz Respublikasi, Tojikiston, Turkmaniston va O'zbekiston sportchilari 5 ta vazn toifasida bellashishdi.

Kun davomida o'tkazilgan bellashuvlar natijasiga ko'ra umumjamoa hisobida Rossiya terma jamoasi birinchi o'rinni qo'lga kiritgan bo'lsa, polvonlarimiz ikkinchi o'rinni band etishdi. Uchinchi o'rin qo'shni Tojikiston davlati sportchilariga nasib etdi. 

Mazkur xalqaro musoboqaning tantanali ochilish va taqdirlash marosimida CHirchiq shahar hokimi Murodjon Abdurahimov, xalqaro koresh federaciyasi boshqaruv raisi Ravil Nagumanov (Rossiya), Osiyo belbog'li kurash konfedraciyasi prezidenti Mo'min Muratov, xalqaro Qirg'iz kurosh federaciyasi prezidenti Riskeldi SHamiev (Qirg'iz Respublikasi), O'zbekiston belbog'li kurash federaciyasi raisi Ravshan Dastirov, O'zDJTSU birinchi prorektori SHerzod Mirzanov va boshqalar ishtirok etdi. 

Turnir yakunida g'olib va sovrindorlar diplom, medal va esdalik sovg'alari bilan mukofotlanishdi. 

SHuningdek, turnir doirasida O'zbekiston davlat jismoniy tarbiya va sport universiteti xalqaro koresh federaciyasi, Qirg'iz kurosh federaciyasi hamda Rossiya federaciyasi Pavolojiya davlat madaniyat, sport va turizm universiteti bilan hamkorlik memorandumi imzolandi.

Ilhom RAHMONOV tayyorladi