20 avg 12:22
Yangiliklar

Og'ir atletika

CHirchiqda og'ir atletika bo'yicha O'zbekiston kubogi start olmoqda

Teglar : Og'ir atletika

22-24 avgust kunlari CHirchiq shahridagi O'zbekiston Davlat Jismoniy tarbiya va sport universitetining sport manejida og'ir atletika bo'yicha kattalar o'rtasida O'zbekiston kubogi bo'lib o'tadi.

Sentyabr oyida o'tkaziladigan jahon chempionatiga asosiy tarkib vakillarini saralab olish va ularning jismoniy tayyorgarligini ko'zdan kechirib olish imkoniyatini beradigan ushbu musobaqada Respublikamizning turli viloyatlaridan tashrif buyuradigan polvonlar qatnashadi, deb xabar qilmoqda MOQ matbuot xizmati. O'zbekiston kubogi bir vaqtning o'zida asosiy tarkib vakillarini saralashdan tashqari yoshlar va o'smirlar terma jamoasini shakllantirib olishda ham muhim ahamiyat kasb etadi.

Malum bo'lishicha, kubok bahslarida terma jamoamizning asosiy tarkib vakillari ham o'z mahoratini namoyish etishadi. Musobaqaning tantanali ochilish marosimi 22 avgust kuni 16:30 da boshlanadi.