CHiroqchida belbog'li kurash bo'yicha O'zbekiston kubogi o'tkazilmoqda + FOTO

O'zbekiston Respublikasi jismoniy tarbiya va sport vazirligi hamda O'zbekiston belbog'li kurash federaciyasining yillik taqvim-rejasidagi mazkur musobaqada Qoraqalpog'iston Respublikasi, Toshkent shahri va barcha viloyatlardan 300 nafarga yaqin yosh polvonlar belbog'li kurashning klassik va erkin yo'nalishida o'z vazn toifalariga ko'ra g'oliblik uchun kurash tushishmoqda.  

Alohida takidlash joiz, Qashqadaryo viloyat jismoniy tarbiya va sport boshqarmasi, viloyat belbog'li kurash federaciyasi, CHiroqchi tuman hokimligi, tuman jismoniy tarbiya va sport bo'limi hamda tuman 1-sonli bolalar-o'smirlar sport maktabi tomonidan mazkur musobaqaning ko'tarinki ruhda o'tishi uchun yuqori darajada tayyorgarlik ko'rilgan.

Bugun start berilgan O'zbekiston kubogi bellashuvlarida dastlab musoboqaning tantanali ochilish marosimi tashkil etildi. Ochilish marosimida so'z olgan O'zbekiston belbog'li kurash federaciyasi raisi Ravshan Dastirov, Qashqadaryo viloyat jismoniy tarbiya va sport boshqarmasi boshlig'i Komil Xolmatov, viloyat belbog'li kurash federaciyasi raisi Farhod Jumanovlar  mamlakatimizda jismoniy tarbiya va sportga, xususan, milliy sport turlarimizga qaratilayotgan yuksak etibor xususida takidlab, musobaqa ishtirokchilariga omad tilashdi.

SHundan so'ng rejaga muvofiq, belbog'li kurashning klassik yo'nalishida o'g'il bolalar o'rtasida 11 ta vazn toifasida bellashuvlar boshlandi.

Bellashuvlar 15 martgacha davom etadi.  

Ilhom RAHMONOV tayyorladi