CHiroqchida kurash bo'yicha bellashuvlar o'tkazildi

Viloyat va tuman hokimligi, viloyat jismoniy tarbiya va sport boshqarmasi, tuman jismoniy tarbiya va sport bo'limi, 1- bolalar – o'smirlar sport maktabi hamkorligida tumanda olimpiya harakatini rivojlantirish olimpiya va milliy sport turlarini keng targ'ib qilish, yoshlarni olimpiya va milliy sport turlariga  jalb qilish, aholi o'rtasida sog'lom turmush tarzini targ'ibot-tashviqot ishlari samaradorligini yanada oshirish  maqsadida o'tkazilgan kurash belllashuvlari  6 iyul – Xalqaro olimpiya kuniga bag'ishlandi.  “Xalq sayli” umumilliy sport musobaqalari doirasida o'tkazilgan mazkur kurash musobaqasi to'y kurashi tarzida tashkil etildi. Ko'p sonli muxlislar ishtirokida o'tgan bahslarning tantanali ochilish marosimida faxriy polvonlarga ehtirom ko'rsatilib, qimmatbaho esdalik sovg'alari ulashildi. Kurash shaydolari  olqishlari ostida o'tgan bellashuvlarda  erkaklar to'rtta vaznda, ayollar esa ikkita vazn toifasida bahs olib borishdi. SHuningdek, o'smirlar o'rtasida ham kuchlilar aniqlandi. Mutloq vaznda toifasidagi kurashda samarqandlik Bekzod Karimov qashqadaryolik Jaloliddin SHernazarovdan ustun kelib, bosh sovringa ega bo'ldi.  Har bir vaznda g'oliblikni qo'lga kiritgan polvonlar tashkilotchilar tomonidan munosib taqdirlandi.

Ilhom RAHMONOV tayyorladi