CHiroqchida kurash bo'yicha Ochiq birinchilik o'tkazildi

2019 yil – “Faol investiciyalar va ijtimoiy rivojlanish yili” munosabati bilan CHiroqchi tuman jismoniy tarbiya va sport bo'limi hamda 1-BO'SM tashabbusi ostida tashkil etilgan mazkur musobaqada asosan maktab o'quvchilaridan iborat 200 nafardan ortiq yosh kurashchilar 11 vazn toifasida kuch sinashishdi. 

Kun davomida o'tgan murosasiz bellashuvlar yakunida g'olib va sovrindor bo'lgan sportchi-o'quvchilar tashkilotchilar tomonidan medal, diplom va esdalik sovg'alariga ega bo'lishdi.

Farhod JUMANOV, CHiroqchi tuman 1-BO'SM direktori: 

- 2019 yil – “Faol investitsiyalar va ijtimoiy rivojlanish yili” munosabati bilan ushbu musobaqani o'tkazishimizdan maqsad, o'quvchilar orasida sportga bo'lgan ommaviylikni taminlash, milliy sport turimiz sanalgan kurashni keng targ'ib qilish, shuningdek, yana bir maqsadimiz - aynan maktab yoshidagi o'quvchilar orasidan kurash sport turiga qiziqqan va shu tur bo'yicha istedodli sanalagan o'g'il-qizlarni saralash va terma jamoalarimiz zaxirasini to'ldirib borishdan iborat bo'ladi.  

Ilhom RAHMONOV tayyorladi, o'z muxbirimiz