CHiroqchidagi 1-BO'SMDA xayrli tadbir yo'lga qo'yildi FOTO

Ular sportning belbog'li kurash, futbol, voleybol, shaxmat, engil atletika, taekvondo (VTF), badiiy gimnastika, sambo, kurash, dzyudo turlari bo'yicha muntazam mashg'ulotlarda ishtirok etishyapti. 

Yaratilgan shart-sharoitlardan unumli foydalangan BO'SM tarbiyalanuvchilari o'tkazilayotgan viloyat, respublika va xalqaro musobaqalarda kuchli uchlikdan joy olishga muvaffaq bo'lishmoqda. 

Bunga birgina misol - taekvondo (VTF) sport turi bo'yicha Bobur Burxonov  qo'l ostida shug'ullanayotgan o'quvchilardan Mirolim Husanov (33 kg), Umid Safarov (45 kg) va Jaloliddin Narzullaevlar 16-18 noyabr kunlari Toshkent shahrida 2005-2007 yillarda tug'ilgan o'smir va qizlar o'rtasida o'tkazilgan O'zbekiston chempionatida faxrli uchinchi o'rinni egallab, bronza medallariga egalik qilishdi. 

Agar yo'lingiz tushib, BO'SM yaqinidan erta tong o'tib qolsangiz, stadionda yoki shinam va ko'rkam sport zalida ertalabki badantarbiya mashg'ulotlarini bajarayotgan murabbiylar, texnik xodimlar va tarbiyalanuvchilar, hatto yaqin atrof mahallalarda yashovchi yoshlar, xotin-qizlar, keksalarni ko'rishingiz mumkin. 

Darvoqe, ertalabki badantarbiya mashg'ulotlarini BO'SM direktori, “Jismoniy tarbiya va sport alochisi” ko'krak nishoni sohibi Farhod Jumanov murabbiyligi ostida o'tayotgani jismoniy tarbiya va sportga bo'lgan etibor yuqoriligidan dalolat. 

SHuningdek, BO'SMda nomdor sportchilar ishtirokida mahorat saboqlarini o'tkazish ham odat tusini olgan. SHaxmat bo'yicha Nodira Nodirjona, futbol bo'yicha Otabek SHukurov singari ko'plab chempion sportchilarning BO'SMga tashrif buyurayotgani, tarbiyalanuvchilarning sportga bo'lgan ishtiyoqini yanada oshirishi, chempionlik sari dadil qadam tashlashlariga turtki bo'lishi bor gap. 

Ilhom RAHMONOV tayyorladi, o'z muxbirimiz