CHo'qlida yangi sport maktabi faoliyatini boshladi + FOTO

O'zbekiston Respublikasi Vazirlar Mahkamasining 2020 yil 17 fevraldagi “Sport-talim muassasalari faoliyatini yanada takomillashtirish chora-tadbirlari to'g'risida”gi qarori cport-talim muassasalaridan foydalanish darajasini va ularning faoliyati samaradorligini yanada oshirishga, bolalarni sport bilan muntazam ravishda shug'ullanishga jalb etishni kengaytirishga, shuningdek, O'zbekiston Respublikasi Prezidentining 5 ta muhim tashabbusida belgilangan vazifalarni amalda bajarilishini taminlashga xizmat qilayotir.            

Xorazm viloyati SHovot tumanidagi “CHo'qli” qishlog'ining “Monoq” mahallasida yangi tashkil qilingan 2-son bolalar-o'smirlar sport maktabi yurtimizda olib borilayotgan izchil islohotlar samarasi hisoblanadi.

Ilgari ushbu qishloqda tuman bolalar-o'smirlar sport maktabining filiali faoliyat yuritgan bo'lib, undagi sekciyalar soni bor-yo'g'i 5 ta – futbol, stol tennisi, voleybol, dzyudo va kurash turlaridan iborat edi. Bu ushbu hududda yashovchi o'g'il-qizlarning barchasini qamrab olishga, ayrimlarining o'zlari mehr qo'ygan sport turi bilan shug'ullanishga imkon bermasdi.

Yaqin kunlarda sport maktabida boshqa sport turlari bo'yicha ham sekciyalar ochiladi. Endilikda, ularning soni o'ndan oshadi. Mashg'ulotlardan tashqari, tez-tez musobaqalar o'tkazishga ham jiddiy yondoshiladi. Bundan ko'zlangan maqsad, tumanlar markazlaridan olisda joylashgan qishloq yoshlari orasida  jismoniy tarbiya va sport targ'ibotini keng quloch yoydirish, buning barobarida, sog'lom turmush tarzini shakllantirishdan iboratdir, - deydi Xorazm viloyati jismoniy tarbiya va sport boshqarmasi boshlig'i v.v.b Artik Palvanov.

Darhaqiqat, faoliyatini boshlagan 2-son BO'SM tuman markazidan biroz uzoqda joylashgan. Tabiiyki, bu chekka hududlarda yashovchi sport ixlosmandlarini juda quvontirmoqda. 

Zero, mahorat maskanining sport sekciyalari “CHo'qli” qishlog'idan tashqari, uning atrofidagi “O'zbekiston”, “CHig'atoyqala”, “Ijtimoiyat”, “Qangli” va “Hurriyat” qishloqlarida yashovchi sportsevar yoshlarning jismonan sog'lom ruhda  voyaga etishini taminlashi turgan gap.  

Ikrom XUDOYBERGANOV tayyorladi (SHovot, Xorazm)