CHortoqda bel olish va uch kurash bo'yicha O'zbekiston chempionati o'tkazilmoqda

O'zbekiston Respublikasi Jismoniy tarbiya va sport vazirligi hamda O'zbekiston Bel olish va uch kurash associaciyasining yillik taqvim-rejasidagi mazkur mamlakat chempionatida Qoraqalpog'iston Respublikasi, Toshkent shahri va barcha viloyatlardan 400 nafarga yaqin sportchilar o'z vazn toifalariga ko'ra, g'oliblik uchun bellashishmoqda.

CHempionat reglamentiga muvofiq, dastlab bel olish bo'yicha kuchlilar nomi aniqlandi. -44 kg.da Abror Rustamov (Surxondaryo), -48 kg.da Abduaziz Rustamov (Toshkent sh.), -52 kg.da Botirali Yoqubov (Farg'ona), -52 kg.da Sevinch Xabibullaeva (Andijon), +65 kg.da Ruxsorabegim Jo'raboeva (Farg'ona) kabi istedodli yosh sportchilar bel olish kurashning belgilangan yo'nalishlarida   barcha raqiblarini engib, oltin medal egalariga aylanishdi.

Bel olish kurashi bo'yicha bellashuvlar yakuniga etgach, g'olib va sovrindorlarni taqdirlash marosimi bo'lib o'tdi. SHohsupadan joy olgan yosh polvonlar diplom, medal va qimmatbaho esdalik sovg'alari bilan mukofotlanishdi.

Musobaqa dasturiga ko'ra bugun 2004-2005 yillarda tug'ilgan o'g'il-qizlar uch kurash bo'yicha mamlakat chempionligi uchun bahslarga kirishadi.