19 dek 07:24
Yangiliklar

Tennis

Cicipas - Abu-Dabi turniri g'olibi!

BAA poytaxti Abu-Dabi shahrida o'tkazilgan tennis bo'yicha ko'rgazmali turnir greciyalik Stefanos Cicipasning g'alabasi bilan yakunlandi.

Dunyoning to'rtinchi raketkasi hal qiluvchi final uchrashuvida reytingning sakkizinchi pog'onasidan borayotgan rossiyalik Andrey Rublyovni 6/2, 4/6, 6/2 hisobida mag'lubiyatga uchratdi. Tennischilarning o'zaro uchrashuvlarida Stefanos 7:5 hisobida oldinda bormoqda.

To'qson to'rt daqiqa davom etgan bahsda Rublyov ham, Cicipas ham 3 tadan eys zarbasini amalga oshirishdi. Ikkala tennischi ham 1 tadan qo'shxatoga yo'l qo'yishdi. Faqat breyklar soni Cicipasda 4 ta, Rublyovda 1 tani tashkil etdi.

Abu-Dabidagi muvaffaqiyatli ishtirok chempion Stefanos Cicipasga 250,000 dollar keltirdi.