Cincinnati "Masters". Yannik Sinner raqibini sezmadi

Dunyoning birinchi raketkasi italiyalik Yannik Sinner ikkinchi davrada ATP reytingida 144-o'rinni egallab turgan kolumbiyalik Daniel Elaxi Galanni ortiqcha qiyinchiliksiz tor-mor etdi - 6/1, 6/1. Tennischilarning o'zaro uchrashuvlaridagi hisob yiriklashdi - 3:0.  

Oltmish bir daqiqa davom etgan bahsda Sinner 6, Elaxi Galan 5 ta eys zarbasini amalga oshirgan. Breyklar bo'yicha mutlaq ustunlik Yannik tomonida bo'ldi - 5 ga 0. Endi italiyalik tennischi uchinchi bosqichda Gabriel Dialloga qarshi kortga chiqadi. Kanadalik tennischi o'z o'rnida ikkinchi davrada argentinalik Sebastyan Baesdan ustun keldi - 7/5, 6/4.