Cingapurni mag'lub etgan qizlarimiz JCH yo'llanmasi uchun kurashishadi

Qita chempionatida ishtirok etayotgan O'zbekiston ayollar terma jamoasi guruh bosqichining uchinchi turida Singapurdan 33-16 hisobida ustun keldi. Guruhning ikkinchi qarama-qarshiligida Janubiy Koreya qo'l to'pi ustalari Gonkongni 30 to'p farqi bilan mag'lub etishdi 40-10!

Kechagi g'alaba terma jamoamizga jahon chempionatiga yo'llanma beruvchi 5-8 o'rinlar uchun kechadigan uchrashuvlarda maydonga tushish imkoniyatini taqdim etdi. Ertaga qizlarimiz Gonkong terma jamoasiga qarshi bahs olib borishadi. Qita chempionatida kuchli oltilikdan joy egallagan terma jamoalar shu yil dekabr oyida Ispaniyada o'tkaziladigan jahon chempionati yo'llanmasini qo'lga kiritishadi.