Coca Cola Superliga. Bugun Andijonda "Lokomotiv", Qarshida "Qizilqum" mehmon

Coca Cola Superliga. 14-tur

ANDIJON – LOKOMOTIV

10 sentyabr 2020 yil. Andijon. "Sog'lom Avlod" stadioni. 16:45

Hakamlar: SHavkat Nasibullaev, Artyom Kalinin, Sultonmurod Ulfatov, G'ayrat Jo'raev

Nazoratchi: Oleg Dachev

Komissar: Zohid Akramov

Bu mavsum so'nggi 5ta turda 5 marta mag'lub bo'lgan "Lokomotiv" oxirgi 3ta turda 3 marta mag'lub bo'lgan "Andijon" mehmoni bo'ladi.

Ushbu jamoalar hozirga qadar 22 marta o'zaro o'yin o'tkazishgan. 15 marta "Lokomotiv", 4 marta "Andijon" g'olib bo'lgan. Yana 3ta uchrashuvda g'olib aniqlanmagan. To'plar nisbati "temiryo'lchilar" foydasiga: 45:21.

"Lokomotiv" bu jamoaga qarshi kechgan oxirgi 9ta o'yinning barchasida g'olib bo'lgan. So'nggi marta "Andijon" 2010 yilgi mavsumda "temiryo'lchilar"ni taslim qila olgan ekan.

Coca Cola Superliga. 14-tur

NASAF – QIZILQUM

10 sentyabr 2020 yil. Qarshi. "Markaziy" stadioni. 20:00

Hakamlar: Jasur Muxtorov, Avaz Abdullaev, Sardor Nishonboev, Rustam CHoriev

Nazoratchi: Marat Ismoilov

Komissar: Muhammad Sodiq Sodiq-Oxunov

Bu mavsum o'z maydonida umuman mag'lub bo'lmagan "Nasaf" (3ta g'alaba, 3ta durang) oxirgi 4ta turda umuman yutqazmagan "Qizilqum"ni (2ta g'alaba, 2ta durang) qabul qiladi.

Bu klublar O'zbekiston chempionatida bugunga qadar 42 bor kuch sinashishgan. "Nasaf" hisobida 24ta g'alaba bor, "Qizilqum"da esa 7ta. Yana 11ta o'yinda tomonlar murosa ko'chasini tanlashgan.

"Nasaf" o'zaro o'yinlarda 75ta gol urgan va 44ta gol o'tkazib yuborgan. O'zaro o'tgan so'nggi 3ta o'yinda "ajdarlar" bu jamoani umuman mag'lub eta olishmagan - 2 durang va 1 mag'lubiyat. Qarshida o'tgan 21ta uchrashuvning faqat bittasida "Qizilqum" g'alabaga erishgan - 2008 yil.