Dakar-2022 o'smirlar Olimpiadasi 2026 yilga ko'chirildi

Senegal prezidenti Maki Sallning taklifi XOQ rahbari Tomas Bax tomonidan chuqur o'rganib chiqilganidan keyin shunday to'xtamga kelindi. Takidlanishicha, Dakardagi musobaqalarning 2026 yilga ko'chirilishi XOQ, Milliy Olimpiya qo'mitalari va xalqaro federaciyalarga o'z faoliyatlarini yaxshiroq rejalashtirish imkonini beradi. Tokiodagi 2020 yilgi Olimpiya o'yinlarining ko'chirilishi, shundan keyin yirik xalqaro musobaqalar muddatlarining o'zgartirilishi, shuningdek, sog'liqni saqlash sohasidagi global inqirozning moliyaviy oqibatlari sport sohasiga kuchli tasir ko'rsatmoqda.

Bu qaror Senegalga o'smirlar o'rtasidagi Olimpiya o'yinlariga tayyorgarlikni davom ettirish imkonini beradi. Har ikki rahbar Afrikada birinchi marotaba o'tkazilayotgan ilk Olimpiya tadbiri – o'smirlar Olimpiya o'yinlari katta muvaffaqiyat bilan o'tishiga to'liq ishonch saqlab qolayotganliklarini bildirdilar.

XOQ va Senegal rahbariyati bu yangilikdan juda ko'p yosh sportchilarning xafsalasi pir bo'lishini tushunadilar. Har ikki tomon faqat buni to'g'ri tushunishlariga umid qilmoqda.

“Bu bitim Senegal davlati va XOQ o'rtasidagi o'zaro ishonchdan dalolat beradi. Men Olimpiya harakatining katta do'sti va tarafdori prezident Maki Sallga ana shunday favqulodda ishonch va sifat munosabatlari uchun o'zimning samimiy minnatdorchiligimni bildirmoqchiman. Biz 2026 yilda Afrika qitasi va jahonning barcha yosh sportchilari uchun Dakarda misli ko'rilmagan o'smirlar Olimpiya o'yinlarini tashkil etamiz”, – deb bayonot berdi XOQ prezidenti Tomas Bax.

Bitim XOQ Ijroiya Kengashi tomonidan tasdiqlandi va ratifikaciya qilish uchun XOQ sessiyasiga taqdim etiladi.