Dana Uayt UFC 331 turniri uchun yangi bonusni elon qildi

Liga rahbarining so'zlariga ko'ra, 50 000 dollarlik maxsus bonus UFC`ning televideniyadagi hamkori bo'lgan Paramount platformasida "Gangsterlend" (Tulsa King) serialining ikkinchi mavsumi chiqishi munosabati bilan tasis etildi.

"Paramount bilan shartnoma imzolashimdan ancha oldin, men sizlarga "Gangsterlend"ning katta muxlisi ekanligimni aytganman. Bu televideniyadagi eng yaxshi seriallardan biri va uning ikkinchi mavsumi premerasi shu juma kuni, yani Los-Anjelesdagi UFC 331 turniridan bir kun oldin Paramount+ platformasida bo'lib o'tadi.

SHu sababli, faqat bir oqshom uchun biz oktagonga biroz haqiqiy tartibsizlik (xaos) qo'shamiz. UFC 331 turnirida biz "Haqiqiy xaos" bonusini joriy qilamiz. Mening fikrimcha, uni eng ko'p loyiq bo'lgan jangchi 50 000 dollar mukofot oladi", — dedi Uayt.

Albatta, yangi bonus ananaviy 100 000 dollarlik turnir bonuslarini (to'rt nafar ajralib turgan jangchi uchun) va muddatidan oldin g'alaba qozonganlar uchun beriladigan 25 000 dollarlik bonuslarni bekor qilmaydi. Yani, bu qo'shimcha mukofot puli bo'ladi. 

Avvalroq tashkilot rahbari "Gangsterlend" seriali ijodkorlari britaniyalik top engil vaznli jangchi Peddi Pimblettga rol taklif qilish uchun u bilan bog'langanliklarini aytib o'tgan edi.