Dani Olmo "Atletiko"dan uchralgan mag'lubiyat haqida: "Bahsli vaziyatlar ko'p bo'ldi, bizdan g'alabani tortib olishdi"

Ispaniyalik futbolchi hakam Kleman Tyurpenning qarorlariga to'xtalib o'tdi.

"Biz natijadan norozimiz, maqsadimiz keyingi bosqichga chiqish edi. SHunga tayyor edikki, bizga hech kim g'alabani shunchaki sovg'a qilmaydi, aksincha, bor narsamizni ham tortib olishadi. Bu biz uchun katta tajriba bo'ldi. Jamoamiz juda yosh va biz mehnat qilishda davom etamiz.

"Atletiko" yaxshi o'ynadi va o'z pressingi bilan bizga qanday muammo tug'dirishni bilardi. Biz esa bunga biroz kechroq reakciya bildirdik.

O'yinda bahsli vaziyatlar etarlicha bo'ldi — penalti belgilanmagan vaziyat va Erik Garsiyaning chetlatilishi. Garsiya so'nggi umid folini ishlatgan deb topildi, vaholanki Kunde Serlotga yaqin masofada edi.

Ikkinchi yildirki, biz o'xshash tarzda musobaqani tark etmoqdamiz. Lekin loyihamiz muvaffaqiyatli ekani aniq va biz buni isbotladik", — dedi Olmo.

Eslatib o'tamiz, "Barselona" javob uchrashuvida g'alaba qozonganiga qaramay, ikki o'yin natijasiga ko'ra yarim finalga chiqa olmadi. "Atletiko" esa endi final yo'llanmasi uchun "Arsenal" — "Sporting" juftligi g'olibi bilan kuch sinashadi.