10 dek 12:00
Yangiliklar

Tennis

Daniil Medvedevning finaldagi raqibi malum

Ar-Riyod shahrida o'tkazilayotgan ko'rgazmali turnirning final ishtirokchilari malum bo'ldi.

Ikkinchi yarim final uchrashuvida dunyoning to'qqizinchi raketkasi, amerikalik Teylor Fritc ATP reytingida 14-pog'onada borayotgan britaniyalik Kemeron Norrini 7/6(4), 4/6, katta tay-brekda 10:6 hisobida mag'lubiyatga uchratdi.

Sakson to'qqiz daqiqa davom etgan bahsda Fritc 13, Norri 3 ta eys zarbasini amalga oshirdi. Ikkala tennischi ham qo'shxatoga yo'l qo'yishmadi. Tennischilar o'rtasidagi uchrashuvlarda hisob muvozanati tiklandi - 6:6. Ar-Riyod turniri bosh sovrini uchun Fritc rossiyalik Daniil Medvedevga qarshi kortga chiqadi.