Dastin Pore faoliyatini yakunlashi haqidagi savolga javob berdi

Bu savolga uning o'zi javob berdi.

"Bilasizmi, menda bu savolga aniq javob yo'q. Ertaga nima bo'lishini bilmayman. Boshqa hech qachon "qafas"ga kirmayman deb ham ayta olmayman. Lekin boshqa tomondan olib qarasak, menda qaytish uchun ham aytishga arzigulik sababning o'zi yo'q. 

Nimaga jang qilishim kerak? Ha, janglar menga yoqadi. Ammo o'tgan yillar davomida menda muammolar etarlicha bo'ldi. Balki yaqin bir-ikki haftada hammasini obdon o'ylab ko'rib, taroziga qo'yib, keyin yakuniy qarorimni elon qilarman. Ketishimga qo'ymayotgan bir narsa bor — diviziondagi eng kuchli jangchilarga bemalol raqobat qila olishim. 

Hali yosh unchalik tasirini o'tkazgani yo'q. Menda haliyam shijoat, jangni o'qiy bilish hamda eng muhimi, reakciya bor. To'g'risini aytsam, men faoliyatimni yakunlash bo'yicha ikkilanayapman. Ayniqsa, chempionlik haqida o'ylay boshlasam. CHempionlik poygasiga qaytishim uchun yana nechta jang o'tkazishim kerak? Bilmayman. Lekin kamar ishtiyoqida yana 5 ta jang o'tkazish niyatim yo'q", — deya Porening so'zlarini keltiradi Yahoo Sports portali.