De La Xoya Meyvezer bilan revansh rekordini yangilaydi deb hisoblamoqda

«So'zsiz, Floydni faqat pul qiziqtiradi. Bizning revanshimiz u uchun eng katta jang bo'ladi. Hattoki, Makgregor bilan o'tkazgan jangidan ham ko'ra. Umuman olganda, Logan Pol yoki boshqalar bilan o'tkazgan jangidan ko'ra qiziq bo'ladi. Menimcha, odamlar haqiqiy janglarni ko'rishni xohlaydi. Odamlar afsona afsona bilan, chempion boshqa bir chempion bilan urushishini xohlaydi. Va biz buni amalga oshiramiz. Biz buni butun hayotimiz davomida amalga oshirdik. Odamlar bunday «SHou»lardan charchagan deb aytmaslik kerak, ammo ular haqiqiy janglarni ko'rishni xohlaydi.

Ular ringda haqiqiy afsonani ko'rishni xohlaydi. Floyd Meyvezer, Menni Pakyao va men, biz barchamiz o'n yillab titullar uchun kurashgan haqiqiy afsonalarmiz. Floyd bilan jangimiz juda katta, shunchaki ulug'vor bo'lishini his qilyapman. Bu Floyd Meyvezerni o'ziga jalb qiladi. Ishonchim komilki, Floyd bilan jangim translyaciyasi 5 millionga sotiladi. Texnologiyalarning barchasini hisobga olgan holda, tadbirni yanada ommalashtirishga yordam beradigan juda ko'p narsa bor. Hozir bizda NFT-Meta bor. Butun ijtimoiy media platformasi mavjud. Va bularning barchasi bizning jangimizni nihoyatda ommalashtirishi mumkin», - dedi De La Xoya.

Eslatib o'tamiz, bokschilar birinchi jangini 2007 yilda o'tkazgan va pulli translyaciyalar sotuvi rekord darajada - 2.7 millionni tashkil qilgan.