Demetrius Jonson: UFC - bu sport emas!

Uning aytishicha, chempionlik kamarlariga davogarlarni aniqlashda amal qiladigan tamoyillarni sport tamoyillari deb bo'lmaydi. Yani, jangchilar ularning so'nggi yutuqlari nuqtai nazaridan emas, balki shouning tijoriy muvaffaqiyati tomonidan ko'rib chiqiladi.

Misol tariqasida Jonson yarim engil vazn toifasida amaldagi chempion Aleksandr Volkanovski va Diego Lopes o'rtasida kechadigan chempionlik jangiga to'xtalib o'tdi. 2025 yil aprel oyida Volkanovski Lopesni mag'lub etdi, shundan so'ng u faqat bitta jang o'tkazib, Jan Silvani engdi. 

Lopesga bir yil ichida ikkinchi chempionlik imkoniyatini berib, UFC bosslari 2020 yildan beri ketma-ket to'qqizta g'alaba bilan tashkilotda ketayotgan mag'lubiyatsiz Leon Merfini "esdan chiqarishdi".

"Matchmeykerlarning fikrlash tarzini tushunishga harakat qilyapman, — dedi Jonson o'z podkasti efirida. — Bu aralash yakkakurashlar haqiqiy sport turi hisoblanadimi, degan savol... Menimcha, Aleks Volkanovski birinchi jangda juda ishonchli g'alaba qozondi. Keyin Diego Lopes bir raqibdan ikkinchisiga ustunlik o'tgan jangda Jan Silvani mag'lub etdi. Bir g'alaba va u yana chempionlik uchun jangni qo'lga kiritdi.

Bunga Lopesning mashhurligi va ko'p chipta sotishi sabab bo'ldimikin? Bilmadim. Ammo tanlashda qaysi omil hisobga olinadi: kim mashhurroq yoki kim yaxshiroq? Mana shu erda bu haqiqiy sportmi, degan savol tug'iladi. Va men o'ylamasdan aytamanki, bu sport emas. Bu malum bir bozorga kirishga imkon beradigan sportchilar ilgari suriladigan ixtiyoriy tanlovdir".

Eslatib o'tamiz, Aleksandr Volkanovski va Diego Lopes o'rtasidagi ikkinchi jang 1 fevral kuni Avstraliyaning Sidney shahrida bo'lib o'tadigan UFC 325 turnirining asosiy jangiga aylanadi.