02 iyu 13:01
Yangiliklar

Boks/MMA

Deontey Uaylder: Fyurining yuzini o'z onasi tanimaydigan darajada o'zgartirmoqchiman

Boks bo'yicha og'ir vazn toifasida sobiq jahon chempioni Deontey Uaylder kamar egasi Tayson Fyurini nafaqat mag'lub etish, balki unga jangda jiddiy zarar etkazish niyatida ekanligini aytdi.

Fyuri va Uaylder o'rtasidagi trilogiya 24 iyul kuni bo'lib o'tadi.

"Mening maqsadim quyidagicha: men unga aql bovar qilmaydigan og'riq bermoqchiman, hatto o'z onasi tanimaydigan holatga keltiraman", - deydi Uaylder.

Eslatib o'tamiz, 2018 yilning dekabrida o'tkazilgan Fyuri - Uaylder o'rtasidagi birinchi jang durang bilan tugagandi. 2020 yil fevral oyida britaniyalik amerikalikni nokautga uchratdi va undan og'ir vazn toifasida WBC kamarini tortib oldi. Fyuri professional boksda 30 g'alaba va bitta durangga ega, Uaylder esa 42 g'alaba, bitta mag'lubiyat va bitta durang qayd etgan.